تعرف على 3 طرق مختلفة لتحضير المسقعة المصرية
المسقعه من اجمل الاكلات الشعبيه - نقدر نعملها بطرق كتير - فى الوصفة دى هنعمل المسقعه العاديه والمسقعه باللحمه المفرومه والمسقعه بالبشاميل خطوة بخطوة.
المسقعه من اجمل الاكلات الشعبيه - نقدر نعملها بطرق كتير - فى الوصفة دى هنعمل المسقعه العاديه والمسقعه باللحمه المفرومه والمسقعه بالبشاميل خطوة بخطوة.
طريقة عمل المسقعة العادية
مكونات المسقعة:
- 1 كيلو باذنجان
- 1/4 ربع كيلو فلفل اخضر رومى
- 1 بصلة كبيرة الحجم
- 2 كوب طماطم (مضروب فى الخلاط)
- 2 حبة فلفل اخضر حار
- 1 معلقة كبيرة ثوم مهروس
- 1 معلقة صغيرة كمون
- 1 معلقة صغيرة فلفل اسود
- ملح (الكمية حسب الرغبة )
- بطاطس شرائح او مكعبات ( اختيارى )
طريقة التجهيز المسقعه :
- تقطيع الباذنجان الى شرئح دائرية او مكعبات - ثم رش القليل من الملح عليها حتى لا تتحول الى اللون الاسود وكى لا تشرب كمية كبيرة من الزيت اثناء القلى .
- تقطيع الفلفل الى شرائح صغيرة , وتقطيع البصل الى شرائح صغيرة .
- فى وعاء على النار نضع 2 معلقة كبيرة من الزيت - ثم نضع البصل الشرائح الصغيرة (المفروم) مع التقليب حتى يدبل ثم نضيف معلقة الثوم المهروس - ثم حقات الفلفل الاخضر الحار ويقلب جيدا .ثم معلقة كبيرة كمون - معلقة صغيرة فلفل اسود مع التقليب جيدا .
- نضيف2 كوب من عصير الطماطم الطماطم - ثم معلقة من الملح (الكميه حسب التذوق والرغبة ) ونقلب المكونات جيدا ثم نتركها حتى تنضج وتتركز (تتسبك).
- نقوم بقلى المكونات (البذنجان - الفلفل - (بطاطس اختيارى )
طريقة تحضيرالمسقعه:
- نعود مرة اخرى الى الصلصة ونضيف معلقة من الثوم ثم المكونات المقلية (الباذنجان والفلفل (البطاطس اختيارى))ونتركهم على النار حتى الغليان كى تندمج مكونات الطعم .
- تصب فى طبق التقديم وتقدم
------------------------------------------------------------------
طريقة عمل المسقعة باللحمة المفرومة :
مكونات المسقعة باللحمة المفرومة:
- 1/2نصف كيلو لحمة مفرومة
- 1 كوب عصير طماطم
- 1 معلقة ثوم مفروم
- 1/2معلقة ملح
- 1/2 معلقة فلفل
- 1 معلقة صغيرة ثوم مفروم
- 1/2معلقة صغيرة ممسوحه حبهان مطحون
- 1/2 معلقة بهارات (السبعة)
- 1/2 معلقة كزبرة ناشفة
- فلفل اخضر حار
- بقدونس (اختيارى)
طريقة تجهيز المسقعة باللحمة المفرومة:
- فى وعاء على النار نضع القليل من الزيت - ثم معلقة من الثوم المفروم - نقلب جيدا حتى يصل الى اللون الذهبى .
- نضع نصف كيلو من اللحمة المفرومة ونقلب جيدا حتى تنضج قليلا.
- نضيف توابل المسقعه (الكمون - الملح - الكزبرة - البهارات السبعة - الحبهان - الفلفل الاسود) ونقلب المكونات جيدا على نار مرتفعة قليلا .
- نضيف كوب من عصير الطماطم ونتركهم حتى الغليان ثم نهدئ النار حتى تنضج وتتركز (تتسبك).
طريقة تحضيرالمسقعة باللحمة المفرومة:
- فى صينية نقوم برص طبقات من الباذنجان والفلفل المقلى والفلفل الحار (حسب الرغبة) كما هو موضح فى الوصفة السابقة . ثم نقوم باضافة اللحمة المفرومة وتوزع المكونات جيدا داخل الصينيه.
- توضع فى الفرن الساخن مع فتح الشوايه حوالى 20 دقيقة . وتقدم
---------------------------------------------------------------------------------
طريقة عمل المسقعة بالبشاميل :
مكونات المسقعة بالبشاميل
مكونات البشاميل:
- 3 كوب حليب
- 3 معلقة كبيرة دقيق
- زيت نباتى
- 1 بيضه
- فلفل اسود
مكونات المسقعه:
- نصف كيلو لحمه مفرومة
- باذنجان مقلى بالدقيق
- فلفل رومى مقلى
- 1 حبة بصلة
- بهارات
- ملح - فلفل اسود
- 1 حبة فلفل اخضر
- عصير طماطم
طريقة تجهيز المسقعة بالبشاميل:
- فى وعاء على النار نضع القليل من الزيت - ثم نضع 3 معالق من الدقيق مع التقليب جيدا.
- نضيف 3 كوب من الحليب - رشة ملح - رشة فلفل اسود مع التقليب حتى نصل الى قوام البشاميل المطلوب. ونتركة حتى يبرد ونقوم باضافه بيضة على البشاميل والتقليب جيدا (اختيارى)
- فى وعاء على النار نضع القليل من الزيت - ثم نضيف البصل المبشور - ثم اضافة اللحمة المفرومة - رشة ملح وفلفل اسود - بهارات مع التقليب جيدا - ثم نضيف عصير الطماطم - التقليب جيدا وتترك على النار حتى تمام النضج والتركيز (تتسبك).
طريقة تحضير المسقعة بالبشاميل:
- فى صينية الفرن نقوم برص الطبقات باى شكل تفضليه . طبقة اولى من البذنجان المقلى ثم طبقة من الفلفل المقلى ثم طبقة من اللحمة المفرومه - ثم طبقة من الفلفل الاخضر ثم طبقة من البذنجان - طبقة اخيرة من الفلفل ثم طبقة من اللحمة المفرومه - ثم نضيف البشاميل.
- توضع فى الفرن على نار متوسطة 20 دقيقة مع فتح الشوايه .وتقدم .
بالهنا والشفا
تعليقات
إرسال تعليق