طريقة عمل المكرونه بالبشاميل :
بالصور طريقة تحضيرالمكرونة بالبشاميل وصوص البشاميل
المكرونه بالبشاميل من اشهى اطباق المكرونات التى يفضلها الجميع - بيفرق طعمها وقوامها من بيت لبيت ,فى الوصفة دى هنعمل المكرونه والبشاميل بقوام وطعم وريحة جنان ....
 |
| مكرونه بشاميل |
مكرونه بشاميل باللحمه المفرومه
مكونات مكرونه بشاميل:
- نصف كيلو مكرونه (اقلام)
- نصف كيلو لحمه مفرومه
- نصف كوب عصير طماطم او صلصه
- 1 بصله متوسطه مفروم
- 2 فص ثوم مفروم
- 3 معلقه صغيرة ملح
- 1 معلقه صغيرة فلفل اسود
- 1 معلقه صغيره ممسوحه قرفه
- 1 معلقه صغيره شطه (حسب الرغبة)
- 1معلقه صغيرة ممسوحه حبهان مطحون (هيل)
- 1 معلقه صغيرة ممسوحه كزبرة ناشفه
مكونات صوص البشاميل :
- 5 معلقه دقيق
- 5 معلقه زبده
- نصف علبه جبنه كريمى من اى نواع (جبنه كيرى او كريمة خفق -كريمه لبانى )
- 1 لتر حليب
- ورقة لورا (غار)
- ملعقه صغيرة ملح
- فلفل ابيض او اسود
- ربع معلقه صغيره جوزة الطيب مبشور
- جبنه موتزاريلا (حسب الرغبه)
مكرونه بشاميل بالجبنه الموزاريلا
طريقة التجهيز مكرونه بشاميل :
- فى وعاء على النار نبدا بسلق المكرونه باضافة الماء ثم 2 معلقه صغيرة ملح(حسب الرغبه) سلق متوسط ثم نقوم بغسلها بماء بارد وتصفى .
- فى طاسه ساخنه على النار نضع اللحمه المفروم ونقلبها جيدا حتى يتغير لونها ثم 2 معلقة زيت حسب الحاجه ,ثم اضافة 1 بصله مفرومه ثم اضافة 2 فص ثوم مفروم مع تقليب المكونات على النار جيدا حتى يدبل البصل والثوم .
- نبدا باضافة التوابل نصف معلقه صغيرة (ملح - فلفل اسود - كزبرة - حبهان مطحون (هيل ) - رشة قرفه- شطه) مع التقليب .
- نضيف نصف كوب من عصير الطماطم او الصلصه وعليها رشة سكر قليله (حسب الرغبه) مع التقليب حتى تمام النضج .
طريقة تجهيز صوص البشاميل:
- فى وعاء على النار نضع الزبده مع التقليب حتى الزوبان ثم نضيف الدقيق مع التقليب جيدا حتى بدايه الغليان ثم نبدا باضافة الحليب تدريجيا مع التقليب حتى يصل الى قوام كريمى ثم اضافة باقى الحليب .
- اضافة التوابل (ملح - فلفل - جوزة الطيب - ورقة لورا ) مع التقليب , ثم اضافى الجبنه الكريمى من اى نوع مع التقليب المستمر حتى يصل الى القوام المطلوب شبة السائل (ملحوظه : فى حاله اذا كان الخليط متماسك جدا يمكن تخفيفه تدريجيا باللبن والماء - وفى حالة اذا كان البشاميل خفيف اكتر من اللازم يمكن وضع 2 معلقة دقيق واذابتهم فى نصف كوب من الماء ثم اضافتهم على البشاميل مع التقليب )
طريقة تحضير مكرونه بشاميل :
- نبدا بتجهيز صينية الفرن بوضع قليل من الزبده السائلة او الزيت او السمن مع توزيعها جيدا فى كامل الصينيه. ثم نضع القليل من صوص البشاميل فى قاع الصينيه كطبقه اول صغيرة .
- نبدا برص نصف كمية المكرونه فى كامل الصينيه (يمكن تنسيق المكرونة بوضعها بالترتيب بشكل طولى على حسب الرغبه كنوع من التجميل )
- ثم نضع طبقة صغيره من صوص البشاميل , ثم نبدا باضافة اللحمه المفرومه وتوزيعها جيدا وعليها طبقه من الجبنه الموتزاريلا حسب الرغبة.
- ثم نقوم باضافه باقى كمية المكرونه كطبقه اخيرة ثم اضافة باقى البشاميل فوق البشاميل وتسويته.
- توضع فى الفرن الساخن سابقا على درجة حراره 200 فى الرف الاوسط لمدة حوالى 20 دقيقة ويمكن فتح الشوايه لدقائق .
- تخرج من الفرن ويمكن اضافه بعض الجبنه الموتزاريلا وتترك للترتاح قبل التقطيع والتقديم .
بالهنا والشفا
تعليقات
إرسال تعليق