طريقة عمل شورما اللحم فى المنزل :
شورما اللحمه او الشورمه العربى من اشهى والذ السندوتشات اللى بنحبها وبنشتريها من المطاعم . فى الوصفة دى هنعملها باسهل طريقة فى البيت .
شاورما لحم |
طريقة عمل شاورما اللحمة مثل المطاعم
مكونات شورما اللحم:
- 1 كيلو لحمه (مجمدة)
- 2 معلقة كبيرة زبادى
- 1/4 ربع كوب زيت
- 1 معلقة كبيرة سمن او زبدة او( لية خروف حسب الرغبة)
- 1 معلقة صغيرة صلصة طماطم
- عصير 1 بصلة متوسطه مبشورة
- 1 معلقة صغيرة ثوم بودر
- 1 معلقة صغيرة فلفل اسود
- 1 معلقة صغيرة فلفل بابريكا
- 1 معلقة صغيرة زعتر
- 1 معلقة صغيرة شطه او معجون شطه
- 1 معلقة صغيرة ملح
- نصف كوب ماء مغلى
طريقة تجهيز شاورما اللحمه :
- بعد ساعة من اخراج كيلو اللحمه من الفريز نبدا بتقطيع اللحم الى شرائح صغيرة رفيعة .
شرائح شورما اللحم
- تتبيلة الشاورما
- للتتبيله اللحم نضع فى وعاء عميق ربع كوب من الزيت - 2 معلقة كبيرة زبادى - عصير فقط لبصلة متوسطه - 1 معلقة صغيرة صلصة طماطم -ثم اضافة التوابل (1 معلقة صغيرة فلفل اسود - 1 معلقة صغيرة فلفل بابريكا-1 معلقة صغيرة ثوم بودر-1 معلقة صغيرة ملح-1 معلقة صغيرة زعتر) ونخلط يدويا جميع المكونات جيدا حتى تتجانس المكونات .
- ثم اضافة شرائح اللحم و نقلب جيدا حتى تصل التتبيله الى كل شرائح اللحمه , وتغطى وتترك فى التتبيلة ليلة كاملة فى الثلاجة .
طريقة تحضير شاورما اللحمة :
- فى وعاء على النار نضع 1 معلقة كبيرة من الزبدة او السمن - بعد زوبان السمن نبدا باضافة شرائح اللحم ونقوم بتشويحها حتى تتشرب سوائلها - ثم نقوم باضافة نصف كوب من الماء المغلى مع توزيع شرائح اللحم جيدا فى الماء حتى ينضج الجميع بالتساوى - تغطى وتترك على نار هادئة لمدة 30 دقيقة او حتى التاكد من تمام النضج .
- تقدم مباشرة كطبق رئيسى بجوار البطاطس المحمرة والكاتشب او فى سندوتشات كيزر او روول مع شرئح الطمام والخيار المخلل وشرائح البصل وصوص الطحينة او المايونيز .
نصائح:
- قومى بتشويح سريع للعيش او الكيزر فى دهون الشاورما.
- للتحضير خيار مخلل سريع قومى بتقطيع الخيار الى شرائح رفيعة وفى طبق عميق ضعى 1 معلقة كبيرة ملح - 1 معلقة صغيرة سكر - ربع كوب خل ابيض - ثم كميه من الماء المغلى تغطى الخيار -يقلب جيدا ويترك لمدة ساعة
تعليقات
إرسال تعليق